आठवांची तंद्री

मुक्ते ,

थोड ऐक.माझ्या निजेला धक्का ही न लावता रोज तू येऊन जातेस ,
पण मग पदरातही मावणारं नाहीत इतके घुंगरू जवळ का बरे घेतेस?
आणि प्रत्येक घुंगुराच्या इवल्याला नादुकलीला आठवांची तंद्री मात्र जोडून जातेस !

अगं ,समोर जेवणा-या माणसाच्या घासात अश्रू पडले की दुस-या माणसाच्या
तोंडातील अन्नाचा घास गोठलेल्या रक्ताचा होतो ! मिस्टीक "poetry" म्हणजे दुसरे तरी काय असते ?

पण आज मला खोदायचेच आहे एक लाल तळे;
ज्याच्या काठावर असेल एक महावृक्ष जो साक्ष देईल बुद्धाच्या चेह-यावरच्या गूढ हास्याचा !
आणि त्या तळ्यात प्रतिध्वनित होतील अमृतानुभव

" धर्मात सुखम् । न सुखात सुखम् ।।"

आपण सातरंगी छटांना पाण्यात मिसळून टाकत डूंबून जाऊ पण
बुडून जाताना जर एकदम उघडलेच डोळे तर मात्र हातानेच मोजायचे -

"तीन कप पाणी

आणि सहा चमचे साखरं"

हसलीस ?.........