ऐकलसं काय गो कुंदा ,काय झाला एकदा
दिदि आमची चिरात व्हती खसा खसा कांदा
कांद्यान आपला काम केल्यान डोळ्यात इला पाणी
दिदि रडली ढसा ढसा कांदो कापल्यान भसा भसा
आये करवादली गो मेले लवकरदी कांदो
पावणे बघूक येवचे हत बेगींदा तयार हो
इतक्यात इलो नामगो म्हणत "चल्ला गे काय?"
पावणे येव्न बसले हत घरी हाडू काय?"
दिदि आमची गुणाची मउसाजूक मनाची
सुरसुरल्या नाकान विळो घेव्न पळाली
बघान तिची घाय आमका इला हसू
नामग्या वायंज थांब तेंका दे बसू
थोड्या येळान दिदी ब्ह्रयार आली नटून
पन गोरो चेहरो झालो लाल रडरडरडून
कांद्यान वांदो केल्यान पन दिदी छान दिसली
कांदे-पोहे खावून पावन्यांनी पसंती कळवली
ऐकलसं काय गो कुंदा ,काय झाला एकदा
दिदि आमची चिरात व्हती खसा खसा कांदा.....
No comments:
Post a Comment